PANGUYAB
padayag sa pagbating makatay-og, matisok, magsugod sa kaibog,
"Ah, Day Kurdapya, nakakaon naka?”. “Imong aping lagi no
pula? Nindot kaayong tan-awon pang selfie sa fb.”
“Ambot ba, pero kanimo ra mopitik ning tinan-ogan kong gugma. Motuo ka ba sa love at first
sight?" mga diga ni Dong Tuhoy.
mokuyanap sa galamhan,
may magtingsi daw gigigkan,
sa singot bugbog
gipanugkan,
may maghinuktok daw gitiawan,
kilas kaayo ug tinan-awan,
daghang esturyahon ang mahulma,
panguyab man gud, linadlaray sa baraha
pahumokay, palumoyay sa pagbati,
ipakita ang maayo, itago ang mga bati,
dili magpaulahi, dalaygong buhat ipabati
“Naglibog gyud ko. Ingon pa nila bahala’g saging kuno basta
labing.”
"Hala Dong Tuhoy, magsugod na pud ta? Pahuway sa oy.
Pangita sad kuno didto ug masimasima.” “Nangluspad na man lang ka. Kutoy man
pud diay ang tiyan kon sigehon.”
lahi kon manghinog ug magkauyab na,
lunlon magpagahiay, magpabarogay na,
mga pagpanday kining tanan
sa gugma,
mga buluhatong kabahin sa pagdala
panag-ambitay sa kainit
nga dili ikakomedya….
