gisugid niya ang mga sugilanon
sa gugma
kabahin sa bulan kuyog sa mga bitoon
naghisgot kabahin sa
gibati niya ngadto sa adlaw
gisugid niya ang kabahin sa kalipay
kadtong dili matugkad
sa mga tiil sa tigulang
dili niya gustong moabot ang kagabhion
gusto lang niya ang
kabuntagon nga mabulukon
sa mga bulak nga mibuswak
sa mga alibangbang nga nanglupad
naglutawlutaw sa hangin
dili niya gustong matapos ang tanan
diha sa malumo niyang panagway
