naligo ka na ba?
mitubag ang gikapoy nga babaye
og balikig
balikog kiwa
nganong magbuot ka man kanako?
ah
nangutana ra gani
apan lahi man ang tubag
abi dagway niyag
lain na ang tumong sa pangutana
nga ako baya
kon sutaon katulgon na usab kaayo
apan kon iya lang untang
gibasa ang wala nako masulti
iya untang masabtan
nga ako giganahan
pa gihapon kaniya bisag
ang iyang kakapoy og
ang akong kakapoy
nanimahong
labana.
