wa siyay gitipigan
og ngano nga dili mo makita
masimhot mo ang
kahumot
mabati mo ang kainit
nga misayaw sa
kabugnaw
apan wa mo makita ang
bulak
og ang adlaw og ang
bulan
naaninag mo ang mga
kamot sa hangin
gipas-an mo ang mga
bukton sa kalibotan
apan wa mo makita ang
ulo ang mga tiil
wala kini gitago kanimo
apan imong nabati
sabta nga adunay mga
butang nga dili mo makita
apan naa sa sud
sa imong kasingkasing
gihambin.
