kon mamatay na gani ang gugma
kon kini nahapla og dili na gayod kabangon
hapit lang pod diri
sulayi ang pagtuman sa mga saad
nga bisan og wala na ang gugma
tambali lang gihapon ang mga samad
hunari ang mga kabahong
trapohi sa labakara nga gikumutan sa ininit nga tubig
ang nawong sa gugmang kunot
ang kasingkasing nga kum-ot
tindogi ang imong karaang mga pulong
kadtong imong mga pasalig ag didto ta sa kamalig
