aduna kunoy dakong
kahulugan ang kinabuhi
sama sa
kuan,
aduna pa kunoy
kahulugan ang kinabuhi
pagkahuman ug
kuan,
adunay kahulugan
aduna
aduna
aduna
wala maghimpos
wala malugti ang pisi
pagkahuman niyag
kuan
usa na siya sa mga pipila ka
nakuan
abi man gud niyag
kaya ang tanan sa paglitok lamang
anang
kuan,
nga adunay kahulugan ang
kinabuhi
unya diay unsang kuana
nga
mas bug-at man diay sa
kataposan
sa wala malugti nga
lig-on kaayong pisi
nga
mas bug-at man diay ang
kahulugan sa
hinanaling
kuan.
