sa atong kalibotan
atong gipuy-an
migamit ka sa pulong
aron hulipan ang kamingaw
didto sa kawanangan
sentro ang dila
tighatag tighimo sa pulong
nga hulip sa kalaay
init, basa, lig-on,
lihok, gilok,
nindot nga
pagkahumok
sud sa
baba kining dila
nga naglitok sa pulong
nga ihulip ta sa
atong kalaay
sud sa atong ulo
ug kasingkasing
dila ang
anaa nagpatunga
pulong, unod, init,
basa, gilok
lihok, humok,
gahi,
danlog
kining dila nga
gadula
sud sa akong
baba
