bidbiron

usahay
sa kataas sa katawa
ug sa pagbalikbalik ug lit-ad lit-ad
diha sa
mga agik-ik

di na nato mabantayan ang
pag-abot sa kangitngit

unya sa dugay pang tagay
sa mga sugilanon

 

bisan gani ako
di na nako mabantayan nga ako

gitaral na diay sa usa ka sakayan
sa pikas tampi

wa gani nako
nasusi pag-ayo kon unsay nawong

sa nagbugsay
kon usa ang tingog sa sulog

sa akong kinabuhi
hangtod nga kini nahilom nga morag

puya nga nakatulog
sa kuna bisan ug wala diha
ang bidbiron sa
iyang baba