sa mga makabusog
unta

ang atong natulon
mao lamang
ang atong mga laway

igo lang silang
mikaway
dayog biya kanato

ang mga anino sa ilang
mga tudlo
mitapot sa hangin

ug sa dihang atong
gisulayan pagkutlo
sama sa mga buwak
sa antulanga didto
sa atong bukiran

mora kinig mga
abo sa atong mga
panumdoman

ikaw nga midali
paghikap
nalarag
napuling sa mga
abog
nga iyang gibilin

ako anad na  niana
ang akong giatiman
mao na lamang ang
akong mga tiil
nga kusog gihapon
kaayong modagan