kining sahay
wa kay lingaw
wa sad kay klarong
gihunahuna
gusto nimong
magsulat ug usa ka balak
unya walay klaro sab
kon unsa
ug kon para kinsa
pagkablanko sa imong
mga mata
sa dihang nanamin ka
mibalik kag lingkod
gipabati mo sa imong
kaugalingon nga karon
ikaw ang gamhanan
ug ikaw ang magbuot
sa lakaw sa imong
hunahuna diha sa
usa ka pamahala
gisugdan mo pagtuplok
ang mga letra
nga mora kag hari
nga naghulma sa usa
ka gingharian
kini ang didto
kana ang diri
wala na ang mga orasan
nga maghatag kanimog
kalisang
mipadayon ka
sa usa ka panaw
nagpatulo ka sa imong
singot diha
sa wanang didto sa
dagat
didto sa mga kabungtoran
walay isda ang nakuha
walay bunga sa mangga
walay bitoon karon
ning panahon sa imong
kwaresma
nagpataka ka
sud sa imong dughan
wa pa gihapon nimo
makaplagi ang
imong Dios.
