ang laog

pagkalapad sa iyang naangkon
pagkadako sa iyang nakuha
apan bisan pa niini
ang iyang duha ka kamot
kamot gihapon sa duha ka kumo
ang iyang mga tudlo
likos gihapon sa usa ka pisi
diha sa siradora sa pultahan

wa siyay mahatag sa nagpakilimos
ang iyang wala mibukhad nga palad
dili kasudlan sa mga tipase alang 
sa mga nasaag nga mga langgam

siya ang pinakapobreng nilalang
ning atong kalibotan
unggoy nga naglingkod sa bukid
nga bulawan
wala ka pako nga anaa sa uwak
nga sa kabug-at sa iyang giugom
diha sa iyang tutunlan
dili na gayod makalupad....