ang adobong manok nga
pamahaw
ang bag-ong ahon nga
kan-on

nagpaabot sa lamesa
ning bag-ong kabuntagon

ang mga kamot sa manok
ang aso sa bag-ong haon nga kan-on
miampo sa
habog nga kisame

nangamuyo nga unta ang makakaon
niini
mahimong maayong tawo
sa tibuok nga adlaw

nga unta maghimo kining maayo
bisan asa mapadpad sa iyang buluhaton
aron molambo ang katilingban
aron makaamgo ang mga daotan
sa ilang lahi nga binuhatan

og ikaw nga mibasa niini
motingsi...

pagka-OA ba?