kon nasayod pa lang unta sila

ang bakukang nga
misulod sa iyang utok
naghatag niyag
sa matag adlaw nga
kasakit

sungayan kini unya
gidaro ang iyang 
uma sa hunahuna

apan wala kini niya
gipanulti hinonoa 
nakat-onan niya ang
paghimo ug mga sugilanon
sa kalinaw og sa kalipay

kinsa ba ang nasayod
sa samdan niyang utok
kinsa ba ang nasayod
sa nanambok nga bakukang
sa iyang utok?

kon masayod lang sila
kasilagan gayod unta nila
ang kalibotan