gikumkom nga kahilom

 i

lahi ang madungog mo sa ulan
nga milanding sa atop nga nipa 

o cogon ba kaha. Mas kalma
mas kompyansa

dili sama sa atop nga sin
kanunayng galagubo
madalidalion unya sakit
sa dunggan kong
pamation

ii

dako gayod ang kalahian sa
bag-o ug karaan

mas nindot man god ang hinay
mas humot og lamian man god ang
giluto sa imong mga kamot 
sa imong kaugalingong balay

iii

ang problema man god mao 
nga ang kalainan mabati mo lang 
inig kahuman

human na nga giguba
dayon gilabay
gustong hikalimtan sa dayon
apan ania
kasa pa gihapon ang gikumkom
nga kahilom