ang mga hilomon nga mapahiyomon

ang mga nagbilar
nganong nindot man lagi gihapon
ang mga panglantaw?
ang mga nagtikaw nganong
anaa man gihapoy panahon
sa pakigsandurot sa mga 
alibangbang?
nganong sila nagpabilin man
nga malipayon?
nangutana ako kabahin niini
apan silang tanan mipahiyom
lamang
milantaw sila kanako
unya nagpista silang tanang
sa ilang kamaya
sa tumang kahilom.