paghingpit.

ang katam-is kon
magsigi
mahimong tab-ang

ang kaasgad kon magsigi
mahimo gihapong tab-ang
apil na ang kapait kon
magsigi usab
mahimo kining tab-ang

unya kon ang tab-ang 
magbalikbalik isip
tab-ang kanunay
wala nay mabilin nga imong
matilawan

miabot ka na sa dulunan
unya ang unahan wala ka
nay kasayoran
kon unsa

kutob ka na lang dayon
diha sa tan-aw
kanang morag wala ka
nay makita
tungod kay wala ka 
nay gibati

bisan usa
bisan unsa
kon unsa
ug para unsa pa 
ba?