usa ra man diay unta

kon nangabre ka lang
unta sa bentana
makita mo unta ang
mas dako pa
nga bentana

nga magpakita kanimo
sa mas dako pa 
nga balay
nga karon imong
gipuy-an

makita mo unta ang
mas labaw pas
imong kaguol nga mas
labaw pas
kinadak-an kalipay

nga kon sa nawong pa
sa babayeng imong
gihigugma
usa ra diay sila
ang wala ug too ang
kilid ug atubangan
ang ayuyok og
ang suwang

kon makita mo unta kini
wala na unta ang kahago
kon unsa og asa dapit
ang kamatooran.