sa dili na makatulog

ang pagsulat mao ang
pagbalik sa panahon

pagsulod pag-usab sa
pultahan sa payag nga
hagbay ra nilang gibiyaan

handuraw sa mga lawalawa
sa mga buslot nga atop
sa ulan nga kusog diin
mabasa ang tanang salog

ablihan pag-usab ang
bentanang gisirad-an na
sa kadugay sa panahon

makita sa nataran ang
mga bata nga nagdula 
ug tagotago sa silong
sa dagkong mga punoan
sa mangga ug santol

dakpanay sa mga handomanan
bitad sa mga bukton
hawid sa kamot sa kapalaran
unot-unot sa mga kaagi

pag-iyak sa walay luha
pahiyom sa wala nay kandiis
pagsulay og pahulay sa 
dili na makatulog....