dakong bakak

nakita nako
wala matuyo
pag-usab ang
hulagway nako
tupad sa usa ka
pari nga
naminyo sa usa
ka madre nga
sa walo ka tuig
nilang panag-ipon
isip bana ug asawa
nakahimo silag
tulo ka anak,

sa tinood lang
wala ko ganahi
niini

dunay kigwa
sa akong utok
tupad nila
namugnaw ang
akong 
mga tudlo


apan wala akoy
mahimo niini
duha ka gugma
ang anaa kanila
gugma sa kagawasan
gugma usab sa pagsupak

wala matuyo nga ako
kining gilantaw og dugay
basin ba og nasayop
lamang kaha ako
sa akong panglantaw
kon unsaon pagpuyo
ang saktong
kinabuhi

naay misurop sa
akong utok
morag ulan
sa bukid nga
dugay nga nga
gikastigo sa hulaw

nahunong ko kadyot
sa usa ka pamalandong

sayang nganong
sa dugay usab nga
panahon
nagpabilin ako sa
dakong bakak
diha sa pagpakatarong....