didto man ako
hapon na, wala na ang
sakayan,
nalaya na usab ang
mga buwak,
hapon na man god,
unta, kon didto pa lang
ako sa kabuntagon
sumala sa imong
giingon, basin, atua pa
ang mga sakayan,
basin atua pa ang mga
buwak nga mibuswak
sa wala pa miabot ang
kainit sa kahayag,
basin atua ka pa
usab didto,
basin, og
diha sa pamasin
napasaylo mo ako.
bisan lang unta
ug nagsaylo ang
imong pasaylo sa
akong pangamuyo.
