sa akong hunahuna sa kabuntagon sa dihang miundang na ang ulan....

ang kahilom sa iring 
diha sa iyang pagpanglimpyo
sa iyang bukton,
ikog.

ang amang nga bentanang
samin, ang kwadradong kalibotan
nga iyang gipuy-an

ang kataposang tulo sa ulan
nga nasangit sa sandayong  nga
imong giihap kon kanus-a
gayod mahulog sa iyang
gikapyotan

ang mga hinapos nga higayon
sa kinabuhing wala nay panumbaling
kon hugasan pa ba ang bulingiton
nga nawong....