kadtong gustong mouli dayon....

dunay mga tawo
nga gustong molingkod
dapit sa pultahan

ang gihunahuna mao
lamang ang pag-gawas
ang pag-uli samtang
ang pangadye wala
pa mahuman

anaa mosabat man
gani apan dili kalahutay
anaa nagpakita lamang
kadyot diha sa pakighinabi

human makit-an 
ihatag ang pahiyom
dayog tago didto sa
ngitngit

ang kasulaw sa kahayag
ang pagpaduol sa patay
ang paglingkod luhod ug
dugay, dili niya kinaiya

sa akong nahibaw-an
siya usab namatay sa hilom
sa lugar nga ngitngit
unya wala gani bisag usa ang
nakaila kaniya....