naglawig pa man ang kinabuhi

adtong hapona
nga hapit na ako
mipauli sa
balay
samtang nanghipos
kos akong
balonan ug laing
basahonon nga
ipadayon sa
kagabhion
mihapit siya kanako

ambot unsay sud sa
iyang utok nga midaklit
man siyag ingon nga
malipayon kuno siya
sa iyang kinabuhi dala sa
panghambog nga
gani wala na daw siya'y
kabutangan sa
umaabot pang kalipay

morag nakuratan sab
ko nga mora sag nagpasabot
nga ako kaha dili
malipayon?

naglawig pa man ang
sakayan sa kinabuhi
daghan pang mahitabo
sa unahan ning
dako ug lapad nga dagat

namati ko 
nagbinbin sa kabalaka
kay kasagaran man god
kon unsa ang gisulti
dili man mao ang 
tinood didto sa sulod
sa kasingkasing

kahinumdom noon ko
ni nanay
samtang nanakay kaming
duha diha sa
lantsa tabok sa
ozamis paingon sa 
kolambugan nga bisag
duol ra kaayo
gani makita man ang pikas
tampi
nagpunay man gihapon
ug rosaryo