ako usab baya
suko man ni imelda.
saksi kos daghang
sapatos nga nabilin
adtong adlaw sa
ilang paglayas.
ako suko gyod kaayo
gani nasunog man ako
sa tumang kasuko
ning maong sunog nahimo
kong abo.
ning abo nasaag ang
nahulog nga lugas, ambot
unsa kaha kadto
minggitib ug didto natawo
ang bag-ong ako
nakapasaylo na
malinawon na
andam na usab sa laing
lakaw
layat sa laing labat
palayo na
sa nagbagang sugnod
sa kalayo nga miusbong
aron maghimo na usab
ug dugan sunog
dili na ako masunog
hagbay ra ako nga abo
dili ko na usab ikatugot
nga dinhi sa bag-ong
lasang
aduna na usay dakong
sunog
mapago ang mga hulmigas
ang mga alibangbang
di na ko ganahan anang
laing ugdaw.
suko man ni imelda.
saksi kos daghang
sapatos nga nabilin
adtong adlaw sa
ilang paglayas.
ako suko gyod kaayo
gani nasunog man ako
sa tumang kasuko
ning maong sunog nahimo
kong abo.
ning abo nasaag ang
nahulog nga lugas, ambot
unsa kaha kadto
minggitib ug didto natawo
ang bag-ong ako
nakapasaylo na
malinawon na
andam na usab sa laing
lakaw
layat sa laing labat
palayo na
sa nagbagang sugnod
sa kalayo nga miusbong
aron maghimo na usab
ug dugan sunog
dili na ako masunog
hagbay ra ako nga abo
dili ko na usab ikatugot
nga dinhi sa bag-ong
lasang
aduna na usay dakong
sunog
mapago ang mga hulmigas
ang mga alibangbang
di na ko ganahan anang
laing ugdaw.
