walay laraw

ingon siya
wala silay gibatbat
diha sa imo

ang ilang mga
nawong 
lubot mo ra

mas nindot ang
imong mga buwak

mas abtik ang imong
mga iro

mas tambok ang 
imong mga baboy

lig-on ang mga ang-ang
sa imong mga
hagdanan

namati ka
nagyango-yango
milantaw sa unahan
nagpaabot kon
kanus-a kaha mahuman
kining
matang sa pag-ulog
ulog

gisabot mo ang
iyang kakulangon
apan wala kay
laraw nga unya sa
kahaponon
imo kining pun-on