walay molungtad

walay
molungtad

kadtong nanghakot
ug nagtigom
sulod sa kamalig
mabinlag abo human
sa dakong sunog

kadtong nagtoo
nga ang mga anak
maoy
katay sa imong
kahangtoran
mabinlag kuko nga
putol gikan sa
kumagko

hubo kang miabot
hubo ka usab nga
mopahawa

kadtong nagtoo nga
ang mga ugma
walay kataposan
nasayod kaha nga
sila mabilin unya ang
mga ugma
nagpunay ug abot dayog
pamahawa?