sa dihang
misulti ka nga usa ka
magbabalak
usa lang ang iyang
nahinumduman kabahin
ni jaime dagohoy
kadtog tighalad sa
rayna sa purok
morning star nga
nakadaog sa tigi
sa kaanyag ug
kwartahay, ( mas
tinood ang kwartahay
kay mibundak man
ang imong inahan
sa iyang kataposang
halin sa iyang kopra
sa miaging bulan)
kadtong miingon nga
ikaw ang rayna
sa kagabhion nga
mas hayag pas
bulan nga gidayandayanan
sa libo libo ka mga
bitoon
"O rayna Betia
humot nga buwak
sa usa ka
sampaguita
O rayna Betia
maanyag nga nilalang
perlas sa dagat
bitoon sa langit
(ug uban pa)
dyotayng kahilom
milabay ang Ginoo
dayon niyag
pahiyom
wala gisulti
basin unyag mahiubos
ka lang
(kay sa ilang lugar
didto sa purok morning star
ang magbabalak
morag tig-ulog-ulog
lamang
sa mga uhaw sa
pagtagad ug pagdayeg
nga binayran.)
misulti ka nga usa ka
magbabalak
usa lang ang iyang
nahinumduman kabahin
ni jaime dagohoy
kadtog tighalad sa
rayna sa purok
morning star nga
nakadaog sa tigi
sa kaanyag ug
kwartahay, ( mas
tinood ang kwartahay
kay mibundak man
ang imong inahan
sa iyang kataposang
halin sa iyang kopra
sa miaging bulan)
kadtong miingon nga
ikaw ang rayna
sa kagabhion nga
mas hayag pas
bulan nga gidayandayanan
sa libo libo ka mga
bitoon
"O rayna Betia
humot nga buwak
sa usa ka
sampaguita
O rayna Betia
maanyag nga nilalang
perlas sa dagat
bitoon sa langit
(ug uban pa)
dyotayng kahilom
milabay ang Ginoo
dayon niyag
pahiyom
wala gisulti
basin unyag mahiubos
ka lang
(kay sa ilang lugar
didto sa purok morning star
ang magbabalak
morag tig-ulog-ulog
lamang
sa mga uhaw sa
pagtagad ug pagdayeg
nga binayran.)
