pusta sa kalag

gisulayan kog pusta ang akong kalag
aron lang kamo mahimong gawasnon

nalipay ako sa mga uwak nga miawit
sa ibabaw sa bungtod kabahin sa gidagit

mihapa ako sa sagbot, mibati sa kahait
sa mga espadang wala pa magamit

wala pa mahuman ang akong sugal
sa akong kiliran anaa ang nagdiwalwal.

gikalipay ko ang inyong mga kagawasan
gidungog ko na ang inyong panghupaw.

"ikaw ang ginoo" maoy inyong syagit
diha sa kalanog nga misurop sa kadait.