sa ikaduhang pagbisita sa eden

SA ikaduhang bisita nako
sa eden
wala na kaayo nako mabati
ang akong
pagka-Adan

lahi na sab si Eba 
wala na sad ang gikahadlokang
mansanas

mas lahi na karon nga wala na
ang bitin
labi na nga sa wala na kini
daghan man gihapong bitin ang
nagpuyo ning dapita

gani wala na kanila ang pagtintal
wala na sab ang pangilad
kay sa hilom 
motukob kini labaw pa sa sawa

mas gikahadlokan baya ang
mga dili motingog
ang naglutok 
ang walay busganan
ang mga nindot.