sa lawak nga akong gibiyaan

kon mosulod ka sa akong
lawak
ayaw ug lingkod atubangan
sa samin
adtoa ang bentana 
ablihi kini
iwahing ang kurtina
lantawa ang pagsaka sa adlaw
gikan sa likod sa
mga bungtod

pasudla ang kahayag
nga modan-ag sa kangitngit nga
nagpahipi
sa kilid sa kama
baliha ang mga lingkoranan
apila ang mga alugnan
ipadan-ag ang kahayag
sa tanang kangitngit aron makita
mo ang abog
sa mga bongbong sa lawak
nga akong gibiyaan.