patira pataka gipangita ang kaka.

kon kanus-a wala ang payong
mao say pag-abot sa ulan

kon kanus-a wala ang ulan anaa
nadala ang payong

kon kanus-a ka miabot sa akong
kinabuhi anaa wala na koy payong
wala say ulan

walay kalabotan sa unang paghunahuna
ang payong ug ang imong pag-abot
ang ulan ug ang pagkalimtanon

dako ang kalabotan sa pagsulat 
sa mga walay hinungdan 
sa paghatag ug bili sa mga dili
bilinhon

ang pagtuyoktuyok sa hunahuna diha
sa kisame ang pagpanago sa mga bitoon
dakog kalabotan ang pagkalimtanon
sa mga butang nga unta dili na lang
gayod handomon

adunay kalabotan ang dili pagsabot sa
mga butang nga dili na lang hunahunaon
ang pagkutaw sa utok ang pagkabali sa
sanga nga abi mog bukog ang
pagtimba sa tubig nga ang kabug-aton
sama sa guba diha sa payag mo nga
hunahuna

wala na akoy kalabotan kanimo busa
ania mihunong ang mga adlaw 
natikig ang nga pangandoy 
nakolera ang mga pagbati
nalilong ang ilong milisngag ang
alingagngag
patira pataka gipangita ang kaka.