ang gidili nga kamatooran

mibukal ang lana
apil sab ang dugo
busa nalimtan ang
tanang pahimangno
kabahin sa panghitabo.

nahumod, nakaligo
silong sa kusog nga
ulan silong sa dakong
punoan sa tugas didtos
kabatoan sa bukid sa
malindang.

kusog ang hangin
bugnaw kaayo ang
panahon apan sulod
sa kasingkasing 
atua nagdilaab ang
kainit ug kaulag.

nalimtan ang tanang
pahimangno
gilabay ang balaod
giwakli ang 
katarong
gibakwi ang 
kaugalingon
hugot nga gigakos
sa makausa pa
ug sa makadaghan
ang anaa sa sulod
sa dughan ang kalayo
sa kamatooran.