giingnan ko na ikaw
kaniadto pa
ayaw hunahunaa ang imong
gisulat
ayaw baliki pagbasa
ayaw usba ang
sayop
ayaw usba ang bisag usa
ka pulong
padayon lamang
padayon
kon dili mo kini
mabuhat
dili ka manunulat
busa padayon lamang
padayon
padayon sa pagkatkat sa
bungtod
ayaw ug lingi sa ubos
ayaw ug ambata ang
hinay mo nga tuhod
padayon lamang
padayon
tungod kay karon
buhi ka pa.
