sa akong kaguol
ug kahiubos
akong gibati nga
ako imong
piniriso
aron makagawas ko
gihago nako kaayo ang
akong kaugalingon
sa daghang buluhaton
gipintalan ko ang hawla
gilanahan ang kandado
aron ang yabe dili muongot
gihanas ko ang akong
kaugalingon sa pamatasan
sa kulintiaw diha sa pag-ukit
sa bukobuko sa kabaw
sa paghandom sa hinog nga
mga dum-on nga giawayan
sa mga kalanggaman didto
sa bungtod nga kawayanan
karon gawasnon ko diri
sa kahilom
hago ang lawas
niwang ang kalag
uga ang hunahuna
sa naalim nga samad
sa kasingkasing nga
anad.
