mahinumduman ko na usab
si tiyo miguel
kadtong kalasab-anan ni lolo
enggoy
kay lagi siya man god
maayong pagkapurdoy
itunong ra ba gyod inig
pangaon:
"na karon miguel
naunsa ka naman?
gipamaligya man god
nimo ang imong
mga katigayonan?
mora ka nag piso
nga nabasa diha
mora ka nag bagtok
sa kanihit sa imong
utok?"
si tio miguel hilom lang
samtang nagkaon
unya ako motan-aw siplat
kaniya nga
durong kalooy
manilhig siya matag buntag
sa nataran
lawgan ang manok ug baboy
itugway ang kabaw
kaligoon ang mga iro
bisan sa iyang pagkatigulang
inig ka buntag
siya ang tigsudlay sa akong buhok
tigdala sa akong bag
paingon sa eskwelahan
kaming duha
maglakaw lamang
mas duol siya kanako
kaysa akong amahan
unya ang iyang kataposang
usa ka dako
ihatag pa niya kanako
