tinipigan nga pahiyom

 dili gyud kami kapuyon

sa pagsulat kabahin sa kaanyag

mga punoan sa mahogany daplin sa dalan
pipila ka gabon nga mitupad sa bungtod
ug namulak nga mga calla lily sa tiilan sa

karsada
ang mga nagkadaiyang bulok sa kabalayan 

ug
ang cafehaus diin kami
mihapit kadali alang sa pamahaw:

 kape ug
init nga pan ug
mga homemade sausages

nagsulti kami ug naglup-it sa mga
hilom nga mga gutlo

ug nagtinan-away kami
pag-ila
ang paglabay sa Diyos taliwala
among mga 

tinipigan nga pahiyom.