nadungog niya ang away sa
sa tambok nga nanay ug sa niwang
niyang tatay kabahin sa kwarta nga
gihurot sa sabong unya wala na gani
ipalit sa bugas ug bulad
gisuntok ang tambok sa niwang nga
gahi kaayog kumo ug sa iyang kaisog
nahapla intawon ang tambok nga
babaye didto sa salog dayon durog
bakho ug iyak mibiya sa panimalay
padulong sa daplin sa baybayin dayon
niyag lakaw nga walay lingi lingi
paingon sa lalom nga dagat ug
mipalayo pa kini lusong sa lawod
ug dagkong balod wala na mibalik
gipangita sa anak nga sipat nga liwat
sa inahan ang kaldero gikalkal kon duna
pa bay madawdaw bisag dukot sa iyang
tumang kagutom
nakita sa amahan nga karon nahuwasan
nagkomedya nga "anak anino lang sa bulad
ang kan-a kay ugma mahimong ang unod
na ang atong ipamahaw"
