ang kaguol
o kasakit, bahala na
morag mao ra man na sila,
sa dugay nimong himamat kanila
mao ra baya ang ilang
hulmahan

ang ilang ilong, baba, kilay, aping,
labi na ang ilang mga mata
wala gyoy kalainan sa
imoha

tanan tanan kanimo
sa likod kaguol
sa atubangan kasakit

wa koy nakita nga dapit
diin bisan gani
sa hamubong higayon
mopasiplat ang
dagway sa
kalipay o kamaya o
kahaw-ang