usa ra ka tikang
moabot dayon ko ngadto
sa utlanan sa yuta ug sa langit
mahulog matagak mawala
usa lamang ka lakang
mahagbong dayon ko
sa ubos ning pangpang
nga akong nahimutangan
mao ra gihapong pagkahagbaa
padung gihapon sa pagkawala
mao rang gilawmona
panan-aw ray nakauwang
ilusyon ang tanan
di matabok ang bung-aw
sa damgog kamatuoran
bisan butangan pag taytayan
pagkatigbak gihapoy sangkuan
