ang bintana
sa kalag
nanglangoy ang barongoy
sa sabaw nga damgo
nangambak ang baki
sa punong nga kahiamgo
naglalis ang gangis
sa akong pangabubho
namista and dulon
sa bangaw nga misteryo
nanglupad ang kabakaba
sa orasan sa hunahuna
ngadto sa tanaman
sa bahakhak ug luha
ngadto sa atop
gitunga ang bulan
ngadto sa bulan
nag-ilog sa duyan
ang mga pak-an
gialimungawan
kaming tanan
nasaag
