kaganihang buntag
naglakaw ko nga nag-inosara
namalandong sa akong
matag tunob sa dihang kalit
nga miulan og busa mipasilong
ako sa ilalom sa dako kaayong kahoy
sa unahan nakita nako ang
mga naglaray og baga nga kakahoyan
og mga basakan
adunay gagmayng mga balay nga
nagkatag sa daplin niini
sa kakusog sa ulan
ang maong talan-awon morag
usa ka pintura sa usa ka debuho
nga milama
nahulog ubos sa iyang kwadro
daghan kog nahinumduman
hinay hinay nga nabasa ang akong
lawas sa ulan
ayaw kog suraha
kay wa ko nagpatulo bisag usa na lang ka
lusok sa luha
No comments :
Post a Comment
Lami ba?