ang sakayan
nga bulan naglutaw sa dakong balod
sa panganod ning bugnaw nga
kagabhion
walay bugsay
walay tingog walay kisaw
mahimong nahisama kini sa lukot kong
hunahuna
nga bisan kadako sa kagubot ning akong dughan
nagpabilin nga malinawon
sa iyang pagpaminaw
kay unsa bay mahimo ning atong kanunay
nga pagpabilin?
manira ang ngabil
ang hunahuna mahimong mga aninipot
maglandag sa
kangitngit ning kagabhion nga natulog
tupad sa dakong kahoy
pagkadako, pagkalapad, apan
way tawo
No comments :
Post a Comment
Lami ba?