ako lang.
oo ako lang gihapon,
ako lang pirme,
wa nay lain, dili sa ingon nga ako tungod kay ako lang,
dili ko kini gusto nga ako
ug ako lang,
pagkalahi ra gayod kining kalibotan nga ako ug ako lang
kay wala ka man,
kay kon anaa ka man diha, nagpahipi ka man lang sa
dakong kahilom
makabungog nga kahilom diha sa wala pagpakabana nga ako
ug ako lang dinhi
moabot ang panahon nga mangapilot kanang inyong mga baba,
mahilis unya ang inyong mga tudlo
ug kuhaan kamo sa mga pulong ug hunahuna
kay wala man gayod kamo magpakabana
kay wala kamo malooy nga ako ug ako lang gayod dinhi ang nagtikawtikaw
ning kalibotan nga walay kisaw.
No comments :
Post a Comment
Lami ba?