wala ako'y gisulat 
dinhi
apan dinhing
dapita
diin wala ako'y
gisulat
sayod ka
nga daghang
nahitabo 
dinhi


gisabotan
nato
ang pagpakahilom
lamang


dinhing dapita
sa silong sa kakahoyan
mitubo ang
lunhaw nga
kahilom


moabot ra damlag
nga ato na
usab kining
litokon


ang lunhaw nga
mga pagbati
diha sa dili
pagamit ug mga
pulong


pagkabugnaw
sa mga dahon sa
pagbati
pagkamalinawon
sa palibot


ugma damlag
sa ilalom sa lunhaw
nga mga kakahoyan
magsalo na usab
kita sa
tumang kahilom