10/20/2012

Katkat




KATKAT



Buhat nga mopataas
Magpasabot ug kakutas
Imong kusog maugtas

Kanunay’ng maghingotas
Ang mga mata manglurat
Kitang tanan, makakatkat.

Kon babaye ang mokatkat,
Bantayanan kay makabughat
Kon  bag-ong panganak, maahat

Adunay mga mahiligon
Ang katkat sayon-sayonon,
Mukatkat gayud, bisa’g gutom

Bahala’g  ang nawong lusparon
Agtang kunoton, buhok ubanon,
Dili mabangbang, kay buluhaton

Matapigas man  ug mahagbong,
Pakatam-ison, bisa’g may kahabogon
Kini katkaton, KAPAYAS  nga may gidak-on!!!  



Atty. JAMES F. LOBEDICA
Capitol, Cebu City

4 comments :

  1. hehehe.. dugang padasig ang tampo'ng katkat sa pagpalambo sa atong pinulongan'g binisaya.

    daghang salamat.

    ReplyDelete
    Replies
    1. Mao gyod. Katkat ta sa kanunay, sa kapayasan man kun sa kalubihan :-)

      Delete
    2. mao gyud, higala ko.. hehehe. salamat

      Delete
  2. Maayong gabii kanatong tanan

    ReplyDelete

Lami ba?