dili baya siya bunot
nga
imong himoong ilo

dili sab siya dahon nga
ianod sa sulog sa
suba

dili sab siya mahimong
imong kuhit

.>

siya ang buwak sa
antuwanga

siya ang unod sa
butong

siya ang hinog nga mangga
diha sa usa ka sanga

.>

dili siya botbot sa lubing
guwang

dili siya tinabas sa usa
ka panapton

dili siya hinugasan sa
bugas nga imong lung-agon

.>

humot siya nga puso
usa siya ka alimyon sa imong
inun-unan
siya ang bag-ong hinaon nga
kan-on
diha sa imong
kan-anan
init nga tinolang isda

kahayag sa buwan diha
sa imong bintana
habol mo siya inig-abot
sa ulan dapit sa kaadlawon