2017/06/07

ang pagkahinog sa mga pako sa pispis

ah, nagpuyo kita
sa usa ka balay
daplin sa baybayon

mihanggab kita sa
lab-as nga hangin

managhigala na lang
kita, sugod sa panaghigala
balik sa panaghigala

ug nganong gikasakit 
mo man kini?

kon mipahawa na ang
gugma sa salag sa
kaminyoon dili ba mahimo
nga ang mga tipaka sa
panaghigala magpabilin
gihapon?

ang mga pispis nangahimo
nga nga langgam
ang kahidlaw sa ilang
mga pako
aron subayon ang
agianan sa hangin
ang kalipay sa panganod
ang ganghaan sa langit
palihug ayaw supaka.

Panginhas dire