ang samin sa kaugalingon

miabot na ang
adlaw sa pagpaila

dugay na kining
gatago sulod sa imong
kasingkasing

hagbay ra kining nag-ung-ong
gipangita ang lutsanan
paingon sa himaya

kasakit ang iyang ngalan
taas ang iyang barog
kulongon ang iyang buhok
lalom ang iyang mga mata
kubalan ang mga kamot
gasangkiang ang mga tiil
siak ang ngabil

gitutukan mo siya sa tumang
kalooy
ug mibalos siya sa usa ka
pahiyom
giyubit ang iyang ngalan

unya ang tingog mao
gayod ikaw....