ang akong gihalaran ning maong balak

kinsa bay
ganahan magpuyo
sa usa ka
lawak nga walay
bentana
ug walay pultahan

wala kay makitang
langit
wala kay mabati nga
kalibotan

gani ang imong
mga kamot dili man
kainat sa iyang
gusto

huot ang imong abaga
nga mora kag
ginapos sa matag
adlaw

walay ganahan
magpuyo dinhi
daghan na ang 
nakigpatay aron
lang mogawas

mao kini ang akong
gipuy-an
ang akong gihalaran
ning maong
balak....