2017/12/27

dili malalis

dili malalis
nga natiguwang ka na
daghang kunot ang
agtang
mitaas ang agtang
siging pangahulog ang
buhok nga
nahapla sa alugnan

ingna ko nga bakakon ko
ingna ang samin nga limbongan

sulod sa imong kasingkasing
midako ang kaisog
unya nakapangutana ka
ikaw pod kaha?
nakaila ka pa ba sa imong
kaugalingon?
nahibilin ka pa ba gihapon
sa lingla sa imong
kabatan-on?

nangagho ang bentana
mibuga ug bahong gininhawa
sa harden nga
hapit na usab malaya

Panginhas dire